劉伊心雖然失落亞姐三甲，更於慶功宴內灑淚於人前，不過她很快便收拾心情，早前被本報拍到與男舞蹈員甜蜜拍拖，狀甚溫馨，不過兩口子稍後要做分飛燕，男方要到美國工作，伊心則遠赴土耳其出席選美慶典。

香港女生常被指是「港女」及有「公主病」，伊心則作出平反，她說：「我唔覺，其實香港女仔好好。」她即場傳授3招冧仔秘技：「最緊要微笑，說話溫柔啲，因為廣東話語氣會重啲，仲要經常扮靚，因為男仔鍾意女仔靚。」

津津讚港男帥

至於王津津則大讚香港男生好靚仔，她說：「不過我太少時間在香港，冇乜機會結識。」津津表示有聽過「港女」一詞，她說：「做女仔要對男仔有耐性，講說話要輕輕講，發脾氣時唔好向對方問長問短，因為好易傷害對方。」

盛安人細鬼大

而年僅16歲的盛安，目前仍在多倫多求學，由於長得標致可人，吸引狂蜂浪蝶，雖然年紀輕輕，但原來她已有3次拍拖經驗，認真人細鬼大！問到家人是否知道拍拖？她笑說：「佢哋唔知道，所以我冇乜心得傳授。」

採訪：專案組

攝影：吳文聰

髮型：HH Salon

化妝：Beauty Tech

場地：帝景酒店