本文重點
曾參與孫耀威MV的模特兒蔡靜雯（Mandy），入行四年看盡模界百態，坦言現時有些模特兒為求上位願意出賣自我，自己則很想憑實力獲得大眾認同。
私影模特兒出身的Mandy擁有34C驕人上圍，幕前演出經驗豐富的她，曾與孫耀威合作拍《分手公司》MV，亦參與過英皇電影《証人》及《保持通話》等。雖然戲份不多，但每次她都會花心思鑽研演技，她說：「我覺得做戲就係反映現實生活，如果導演叫我做侍應就做侍應，一定唔會刻意搶鏡博人留意。」
撐Yumi靚女人品好
現時o靚模當道，Mandy認為早前被指援交的尹蓁晞（Yumi）最有可塑性，她說：「我同Yumi合作過，覺得佢好靚、好溫柔，可能個性太文靜先令機會流走。（傳Yumi援交喎！）傳言點會信？真唔真大家相處過會知，有啲女仔會犧牲一切去博上位，但係佢唔係呢啲人！」
被要求擺走光甫士
Mandy坦言現時人人都是模特兒：「太多女仔影過一、兩次相就叫模特兒，為求突圍搞到思想走歪，我想靠自己實力。呢行其實好黑暗，我做私影嘅時候，試過有人拎個DC仔扮攝影師，刻意叫我擺啲容易走光嘅甫士，如果唔配合就投訴，指住我鬧，話我唔識做模特兒，同場其他攝影師都冇問題，我覺得你唔可以質疑我嘅專業！」
問她會否渴望如周秀娜、Janice Man般加入娛樂圈？Mandy謂：「如果可以，我想試吓拍戲，但係都驚會曇花一現，所以冇諗過做明星，我只係想做個演員。」
文：音樂組 攝：吳文聰
場地：Termini Cafe