本文重點
陳貝兒自覺由細到大桃花弱，異性緣不足，幸堪輿學家李星瑭向她大派定心丸，直指陳貝兒真命天子早已出現，兩人更有可能在牛年尾擦出愛火花，氹得陳貝兒喜上眉梢，笑言要多留意身邊人。
陳貝兒轉做CEO後，工作忙個不停，最近為堪輿學家李星瑭推出新書，不忘向師傅請教明年運程，她說：「我都會八卦吓嘅，當係參考，通常一班女仔遇到阻滯都想搵明燈，不過就唔會話年年睇。」陳貝兒坦言最想知明年事業發展，李師傅說：「明年係一個唔錯嘅年份，有幾個貴人幫陳貝兒，出年有機會大放異彩，但身體方面就唔好太操勞。」
事業之外女孩子都會着緊姻緣，陳貝兒說：「由細到大我桃花都好弱，冇乜異性緣，根本都無人報名。」李星瑭坦言陳貝兒無論對自己或另一半均要求高，又說：「不過牛年底官星出現，呢個人本身已經識咗，適逢牛年牛月大家關係會起變化。」更指對方才氣重，藝術天分高，人有點西化，氹到陳貝兒笑逐顏開。
明年入市置業
李師傅坦言明年香港經濟會有個調整，大家會覓得另一個入巿好時機，陳貝兒透露希望趁機買樓做業主。對於替人出書，她說：「其實可以幫唔同人出書好好玩，稍後我自己都會出新作，有文字有圖畫，依家正在趕工之中。」
文：影視組