陳茵媺（Aimee）與鄭欣宜同是「鬼妹仔」性格，二人都在加拿大長大，可謂「鬼聲鬼氣」，更因為拍攝《畢打自己人》而成為好朋友。日前她倆齊齊為崔建邦主持的節目《My Name Is邦》擔任嘉賓，大談入行原因，欣宜說：「我同Aimee都係好勤力、認真嘅人，亦因為拍劇，大家朝見口晚見面，仲親密過屋企人。」
說到入行經過，Aimee表示：「其實我冇計劃入呢行，選完港姐就順理成章入咗ＴＶＢ，公司又畀機會我做司儀，依家又拍埋劇集。」不過欣宜就因為喜歡台上的感覺，她坦言：「我自細就好喜歡整high大家，由兩歲開始，媽咪就鍾意擺我喺食飯枱中間轉盤表演，啲uncle、auntie愈high，我就愈開心，所以我入呢行，因為鍾意睇到觀眾流露開心嘅眼神。」