早前張繼聰獲美容品牌DHC邀請創作新一輯音樂，事實上在幾年前，其品牌已邀請了當時紅透中港台的歌手周董作曲，儘管只是短短幾個音，就能令人記憶猶新。

周杰倫	張繼聰靈感一到，一小時便可以創作一首新歌。

靈感即到

要面對「第一代」的強勢傑作，但Louis卻充滿信心說：「我覺得作廣東歌仲比國語更難，所以無話好比較。其實我作曲之前只要對事件有概念，就會好快有靈感，個品牌畀我感覺好自然，令我即時聯想到一個少女拖着個小朋友喺森林嘅畫面，旋律就好快咁湧上嚟，所以我只係用咗一個鐘就完成大綱。」而歌詞方面則在網上舉辦公開比賽，他解釋：「希望多啲年輕人參與創作，我會係評判之一，睇過之後發現依家啲年輕人作品都好有水準，要慢慢揀。」

忙禁毒片

此外，Louis最近除了忙於創作工作外，更籌備禁毒電影，加上年尾歌手的各項頒獎禮，令他連打理皮膚的時間也沒有，他說：「自己都好少一個人行美容舖頭，所以我都會喺網上買，而且我覺得好方便，估唔到連護膚品都有得賣。」問到平時可有護膚？他說：「當然要，覺得護膚品最重要係天然，我哋對囝囝所用嘅護膚品更特別緊張，怕BB敏感，寧願試多幾款牌子。」

文：專案組　攝：吳文聰

髮型：Jobby@Hair Peace

化妝：Pinky Ku

場地：DHC花之部屋