李蘊、Miyoko及可嵐等歌手日前為uChannel一周年音樂會演出，Miyoko及李蘊發揮創意將大會Tee改頭換面，但上圍甚有睇頭的Miyoko就繼續「封胸」，令人大失所望。

性感尺度未定

加盟唱片公司後的Miyoko狀態大勇，在台上風騷大唱蔡依林（Jolin）的歌曲，邊唱邊跟拍子周身郁，大受歡迎，她說：「依家仲揀緊歌，下年會以跳舞歌手身份出碟，Jolin係我偶像，希望成績同佢一樣咁好。（收起性感？）唔會，我同公司都冇傾過個尺度去到邊。」提到台灣宅男殺手郭書瑤（瑤瑤）殺入香港，Miyoko跟瑤瑤頗熟，上次兩人碰頭時都覺得外形很似：「我哋仲話不如一齊好似Twins咁合作吓，應該會幾得意！」

李蘊自剪大會Tee發揮創意。	可嵐、Kellyjackie	「E Cup Baby」劉欣宜變身歌手唱歌，外形一新耳目。

李蘊放棄爭獎

今年以個人身份推出處女碟的李蘊，跟公司已取得共識，今年不會參加任何頒獎禮，因她在組合Cream時期已經攞過獎，希望讓其他人有更多機會。她說：「年尾接到好多工作，難得有表演同賺錢機會，所以都放棄參與頒獎禮。」

至於早前車禍意外令手骨裂開的可嵐左手仍包紮着，為此要延遲推出新歌，她更收到警署的警告信，指她不小心橫過馬路：「我當日帶住隻狗去睇醫生，只係諗住截的士，咁都畀人警告，真係慘！」

文:音樂組