能一見偶像，相信已是不少為人粉絲的宏願，若然能與偶像「過招」談情說愛，恐怕未必個個能抵得住飆升的血壓，陳敏之在新劇中不但要面對一眾老戲骨，還有機會親近偶像羅嘉良，雖然壓力倍增，但她反而珍惜這次難能可貴的偷師機會。
陳敏之在《富貴門》中有幸跟偶像羅嘉良「談情說愛」，又與呂良偉、戚美珍等前輩合作，她坦言感到壓力：「壓力係大，但亦都開心，要珍惜學習機會，因為未必有咁多機會同咁強卡士合作，尤其是同羅嘉良有感情戲，真係好興奮，我由細睇佢睇到大，全家都好鍾意佢，冇諗過可以同佢『拍拖』，仲有激吻戲添！以前好少拍接吻戲，今次好大膽、好滿意。」
假戲真愛
敏之在劇中角色很愛嘉良，初接觸嘉良時對方很靜，令她有點怕，後來熟落了話題便多了，嘉良亦有教她演戲技巧，在劇中敏之很愛對方，拍至中段真的「愛上」他，一度難以抽離。
唔急攞獎
問到經前輩指點演技可有進步？敏之說：「唔知呀！等觀眾評價啦，總之我好用心去做，（想攞飛躍進步獎？）梗係想攞啦，不過對獎項會平常心看待，今年預咗冇獎攞，盡量扮靚啲啦，（急唔急？）唔使急，最緊要每次都做足功課，一切隨緣啦。」
文：影視組 攝：沈健程
場地：Zenses Pissarro Dining
服裝：M Missoni
珠寶：FOREVERMARK
化妝：Raymond Yip
髮型：Joe Tsui@Hair Culture