Ryan嘟嘴望實

克勤坦言曾打算由長輩秘密帶同囝囝Ryan參與活動，但礙於天氣轉冷，而且Ryan仔流鼻水，所以放棄「微服出巡計劃」，歸心似箭的克勤說：「依家趕住拎啲片同相佢睇，我同佢講嚟迪士尼做嘢，佢仲嘟起個嘴望住我。」克勤又透露囝囝經常於家中收看米奇與米妮的教材，笑言應由Ryan擔任開幕嘉賓說：「佢一定好想代替我，（同米妮拖手唔怕佢嬲你？）唔會，返去會同佢解釋。」

年訪樂園廿次

經常與囝囝到迪士尼遊玩的克勤說：「依家啲小朋友好幸福，我嗰陣廿幾歲先第一次去迪士尼，依家一個月起碼嚟一次，一年嚟超過廿次，舊年聖誕都有帶囝囝嚟，戴住帽同眼鏡自己以為人哋唔覺囉。」適逢無綫台慶，克勤說：「每次嚟都有好開心嘅感覺，雖然一把年紀，同TVB一樣大。」

採訪：音樂組