至於近日傳出少爺占將與拍拖14年的女友Tina結婚，阿占即故弄玄虛地說：「結婚？唔結啦！睇下呢個騷賣成點，賣得好就結。」問到艾粒拆夥會否感可惜時，阿占說：「唱片同舞台騷會停一停，但電台會繼續，想多啲時間做自己嘢，依家『艾粒』咪當放吓大假，但可能到十周年先會喺番埋一齊。」

Donald趕生仔

至於與女友Jan拍拖多年的Donald，竟自爆艾粒拆夥是為了生仔！Donald笑說：「每次出碟做騷，我哋都要用好多時間，無辦法生到仔，有壓力呀！如果仲係咁，個出品唔會好囉，同埋我深信我哋嘅仔女走埋一齊，命運都係一樣，阿占個仔會蝦我個仔！」

告別作多卡士

艾粒表示今次的「告別作」將邀請同期出道的Boy'z、Shine、E-Kids等男子組合演出，Donald說：「同關智斌講過，佢話會恤定髮嚟。（會唔會整蠱佢哋？）我哋會玩啲變態嘢，不過依家未講得住，亦會將廣播劇真人版搬上舞台，少爺占會扮攣攣哋嘅男仔，我會扮古裝人。」

採訪：專案組 攝影：馬永堅 髮型：Johnny@Motiff 服裝：Design by Gattal咸頭