20/11/2009

播放本新聞相關短片

惠英紅一步一驚心

憑《心魔》角逐金馬獎最佳女配角的惠英紅，雖然近日工作甚忙，但為了出席金馬獎，已事先準備好靚衫及珠寶首飾赴會，她說：「其實係有幾個贊助商搵我，但我一直同Moiselle合作開，今次我揀咗條黑色嘅晚裝裙，上面鑲有好多水晶，價值大概六萬元。至於珠寶就由我一個好朋友贊助，最貴係對珍珠耳環，要成六十萬。」惠英紅表示由於珠寶價值連城，所以佩戴時要特別小心，絕對是「一步一驚心」。

今次的勁敵是章子怡，惠英紅笑言「事有蹺蹊」：「佢本來係女主角嚟架嘛，依家入圍女配角可能有啲嘢會發生，不過我對自己都有信心架！」