許懷欣（Ryan）相隔三年，已於日前再推出新EP《Transformer》。自認是窮歌手的Ryan，為節省製作開支，可謂想盡方法，他說：「好彩喺大陸有朋友，在機緣巧合下，幫我搵到一個免費嘅場地拍攝唱片封套，我可以慳番一筆錢。」
Ryan今次在空置的機場取景，原來是無心插柳，他說：「我上次去廣州登台，啲大陸朋友話帶我去啲好靚嘅地方睇吓，就帶咗我去呢個唔開放嘅空置機場。」Ryan到達現場時，發覺很有電影《Top Gun》feel，是拍攝唱片封套的好地方，便擇日拉隊拍攝。由於天氣炎熱，加上機場又沒有遮陰地方，天生怕熱大汗的他慘變「水人」，Ryan謂：「好在有帶埋風筒去，髮型師要用風筒幫我吹乾啲頭髮，拍得都幾辛苦，但效果好好，好有雄風嘅感覺。」