「八模兵團」的A. Lin日前首到上海行騷，雖然出發時獲很多fans送行打氣，但他們沒有跟到上海，行天橋時少了fans在場歡呼吶喊，A. Lin坦言有點不習慣：「每次香港出騷都有fans吶喊，出場信心大增，但喺上海雖然都多人圍觀，但無咗佢哋支持，搞到個心囉囉攣！」

捱冷性感

上海正受寒流吹襲，A. Lin卻死撐以性感短裙示人，凍到腳震震的她終於因貪靚累事。她說：「當日由香港出發唔知上海凍得咁厲害，照着短裙上機，抵埗後感到對腳又凍又乾，落車即刻跑入酒店，點知唔小心撞到玻璃大門，個鼻即時又紅又腫。」滿天星斗的A. Lin坦言最初以為是輕傷，豈料翌日晚飯時突然流鼻血，眾人都被嚇得手足無措，幸好最後有驚無險，A. Lin還笑說：「個鼻仲健在，亦冇移位，證明之前指我整容嘅傳聞係流料！」

文：專案組