戚美珍做三哥（苗僑偉）的女人做了廿年，原來一直沒有挑起戲癮，最近因緣際會下終復出拍劇，效果雖未算理想，但她覺得盡力就是最好。
多年來三嫂戚美珍都沒有戲癮大發，甚至乎電視節目都不看一眼，她說：「要照顧兩個仔女，根本冇時間，就算睇，都係跟佢哋睇資訊性節目，所以都冇諗過再拍戲。」直至早前三哥復出拍劇，三嫂才多了留意娛樂新聞，亦閃過拍劇的念頭。
減磅思復出
不過，三嫂礙於當時體重達一百七十磅，被好友譚詠麟取笑為「何文田肥珍」，她未有再細想：「嗰時雖然肥，但從冇諗過要減，直到後來因為健康問題，膝頭軟骨受損才開始減磅。」體重回復正常，子女又到外國讀書，三嫂即時有齊復出拍劇的本錢，未幾《富貴門》的劇本就到，結果她復出了，難怪三嫂說：「所以話人生係冇得盤算，只可以有目標。」
獎項平常心
廿年後再拍劇，三嫂初時感到不慣，但很快便上軌道，且有新體會，她說：「以前演戲就真係『演』，但依家人大咗有閱歷，可以真正融入角色中，好過癮，即使第一個劇係差少少，畀人話多皺紋，效果唔完美，（會再拍？）唔知，短期內唔會。」
至於近年鬧哄哄的台慶頒獎禮，三嫂一貫前輩口脗：「遊戲嚟啫，係對專業演員嘅鼓勵，都係一種推動力，亦係讚賞，我自己唔會強求，因為太多因素了，做好自己就得，平常心啦。」
文：影視組