由林盛斌（Bob）、杜浚斌（Ben）及范振鋒（Ricky）組成的BBR，主持晚上的電台節目《新香蕉俱樂部》大受歡迎，其後三男技癢初試啼聲，推出多首歌曲大講男人心聲。

最近再踩過潮流界推出鬼馬潮Tee，並親自設計立體圖案款式，其中以Ricky所設計的斜孭袋系列最神似。

Bob的潮Tee像紋身令他十分滿意。	Ben設計的女裝Tee大受歡迎。	驟眼睇Ricky的Tee，還以為他孭住斜孭袋。

Bob圓紋身夢

Bob說：「我哋三個人分別去諗點設計，再搵設計師去畫，都好吖，實現咗我個紋身夢想，平時屋企人又唔畀、老婆又鬧，今次着衫得喇啩！」

身旁的Ben更賣花讚花香，狂讚女裝款因cutting好大受歡迎：「視覺上有隆胸效果，所以勁好賣，斷咗幾次貨。」

聖誕終出碟

BBR出碟的消息已經兩年多，一直都只聞樓梯響，笑言常被歌迷投訴，希望新碟能於下月面世，當作聖誕禮物送畀大家。

Ricky說：「BBR嘅歌喉受到各方嘅意見同批評，好彩電台肯撐我哋，BBR又一直有班fans支持，唱歌之後都多咗人邀請我哋去表演。」三人又唱歌又出潮Tee，練得周身刀，Ben說：「我哋唔係名嘴，唔係齋開咪就夠搵食，所以要學多幾樣嘢，用唔同方法搵錢嘛。」

採訪：音樂組