關心妍（Jade）日前接受崔建邦主持的節目《MY NAME IS邦》訪問，節目中，她表示曾性感影寫真及四圍走埠，笑言04年開個唱後，整個南方都走勻，不過當時老闆親自找她傾談續約事宜時，坦言被對方誠意打動，更表示無悔做歌手，眼中的自己，是成功歌手。
自04年開完演唱會後，Jade有段時間經常接內地show做，不過相當驚險。她說：「其實唱歌唔辛苦，但係坐長途車就好辛苦，表演嘅地方感覺亦都唔好，試過因為人太多，有人開槍，但都唔知開槍嘅係乜嘢人，媽咪當時好擔心我。」
曾show身材影寫真的Jade，被問到對現時o靚模「露肉」風氣時，她說：「其實當時我都唔係好鍾意，唔係驚，而係唔想刻意，不過人哋係點冇得去批評，但要對自己做出嚟嘅後果負責任。」