樂壇女新人謝依穎近日再度飽受「牛皮癬」困擾，身體及手腳均布滿紅疹，令她大為憂心，故她決定尋求根治良方。Enya日前便到銅鑼灣睇中醫，以針灸、喝中藥湯和浸藥浴三部曲治理。黃姓醫師在Enya俏臉、耳朵、喉嚨、手臂和玉腿等位置，合共拮了百多針，期間Enya表現緊張，醫師在旁安慰：「放鬆啲，唔使太緊張。」

Enya雖受「牛皮癬」困擾，但她仍勇敢面對。	放大圖片	謝依穎全身長滿紅疹，醫師替她針灸，拮了過百針，又要裹中藥治理。

為病友平反

Enya的手臂和兩腿長滿紅疹，我見猶憐，但她仍不介意記者目睹針灸過程，她坦言希望以藝人身份，為患「牛皮癬」的病友平反，她說：「有時痕到忍唔住要𢱑，搞到個人好忟憎，但我夠膽同傳媒講我有牛皮癬，係因為要糾正外界觀念，唔好用奇異同歧視眼光睇呢個病，呢個唔係傳染病，而係免疫系統失平衡同基因有關，壓力大同天氣乾燥都會容易病發。」除了針灸外，Enya還要喝中藥湯和浸藥浴配合，她說：「有時浸藥三小時，試過喺浴缸瞓覺。」

仍樂觀面對

Enya不諱言這是「長期戰爭」，她說：「未知確實幾時完全好番。早排曾經差不多好番，但因為做嘢搞到日夜顛倒，又冇時間睇中醫，而且壓力又大，結果復發。（戒口？）依家食素。」雖然備受困擾，但Enya仍樂觀面對，談及即將面世的EP《The First Step》，Enya表示會配合宣傳工作，她說：「我可以照跳舞，但啲衫褲就要同形象顧問Nelson（張學潤）商量同配合。（樂壇頒獎禮？）到時我都會照常出席。」

採訪：專案組　攝影：吳文聰