李蘊（Renee）毅然決定放棄競逐09年的新人獎，不出席任何頒獎典禮，全為了減輕父母的經濟負擔，趁年底的節慶檔期密密接酒吧及賭場騷幫補家計。
年紀小小的Renee已感受到生活逼人，因而令她萌生放棄追求獎項，在年底專注賺錢的念頭：「生活驅使我有呢個想法，細佬有好多學校雜費要交，有時冇錢喺手，就諗點解之前唔努力賺錢，18歲要有承擔，爸爸雖然有收入，但我唔想用佢嘅錢。」
劉欣宜負責性感
Renee在零收入時全無出街意欲，但是獨立的她不想依賴公司幫忙，所以她想抓緊現時的機會：「18歲前接唔到酒吧同澳門賭場騷，最近公司接咗好多呢類騷，嚟緊呢兩個月收入係之前3、4倍，一萬幾千對其他人嚟講唔多，但已經夠我一個月生活費。」雖然工作以酒吧騷為主，但她無懼鹹豬手，因為有好姊妹擋駕：「我會着得好密實！有Miyoko（劉欣宜）性感得㗎喇，而且保安都幫到手。」
被批評當練EQ
Renee沒有為放棄獎項而感可惜，因為她已一嘗得獎滋味，並贏得粉絲支持和同期新人的友誼：「Cream嗰時已攞過新人獎，有fans已經夠，依家我會喺電視機前支持頒獎禮，唔去唔等於我唔係新人，我哋一班新人仲經常傾偈。」對外界的批評，她早有心理準備：「可能會話我驚攞唔到獎而唔出席，當練EQ，我見到支持我嘅留言就會笑。」
採訪：專案組