拍劇期間病重的家燕姐（薛家燕）睇《富貴門》有很大感受：「諗起都得人驚，只係一剎那呢套劇就可能變咗遺作，感覺好得意，好似死過翻生，都唔知嗰陣時自己點拍，總之覺得唔緊要，拍咗先，尤其是捱唔住時已經拍咗三分一，好難話辭演。」

唔敢再死頂

捱得是家燕姐的「致命傷」，當時要為膽發炎及割痔瘡做手術，為省三星期時間兩個手術同時做，醫生都服了她，其實家燕姐每次病都靠意志死頂，次次僥倖過關，今次死裏逃生已令她不敢再「死頂」。

女兒話晒事

現時家燕姐的工作全由大女兒珊珊安排，衝了多年一下子被安排慢下來，自然不習慣：「一日只做一個活動就休息，好似嘥咗啲時間咁。」所以家燕姐會「據理力爭」：「十二月我哋會去美國出席二仔嘅大學畢業禮，咁啱有人搵我登台，我梗係想順便接埋啦，但珊珊話一家人過聖誕至開心，我話我上台過聖誕一樣開心，不過結果都係唔畀我接，好彩年初二我同朋友去杜拜旅行，我堅持話接咗個雲頂登台有錢會玩得開心啲，珊珊至畀我做咋。」不過家燕姐倒享受這樣的生活，因她已知道要珍惜健康，不能令子女及朋友傷心。

文：影視組

攝：秦健輝

場地：L16 Cafe&Bar（Hong Kong Park）