曹敏莉最近接受專訪時指《宮心計》惠妃的遭遇與演藝界也有相似地方，Mandy說：「惠妃就係把握到一次機會，無可否認機會係重要，呢點同娛樂圈都似。但係演員除咗話需要機會，仲要睇你有冇興趣，同埋平時有冇裝備好自己、Enjoy唔Enjoy演戲呢﹖如果你唔享受呢份工作，係唔可能長線發展嘅，就算機會嚟到你都把握唔到。」

街坊稱呼惠妃

Mandy又是否在等待一個令她大紅大紫的機會呢？她說：「我覺得機會經常都會出現，只係你自己察唔察覺，今次《宮心計》裏面嘅戲份雖然唔係好多，但係套劇受歡迎，出到街好多人都叫我惠妃，我覺得今次都係一個難得嘅好機會，機會唔知幾時會嚟，可以做嘅就係做好每樣工作。」

在《宮》劇中，Mandy印象最深一場戲是遭李國麟威逼，她笑說：「李國麟前輩真係好好演技，嗰場戲啲網民都讚，其實我當時畀佢『兇』，真係驚嘅，所以啲表情係發自內心，嗰場戲完全靠佢帶我入戲。」

頭飾分量十足

雖然Mandy不是首次拍古裝劇，但分量十足的頭飾實在令人難忘？她說：「個頭飾真係好重，自己次次拍完條頸都好攰，所以佢哋用頸箍保護條頸一啲都唔誇張，不過效果出嚟真係好靚。」

採訪：影視組 　攝影：黎志輝

場地：馬可孛羅太子酒店（The Spice Market）

服裝：DKNY