高志森的《開心鬼》系列、《富貴逼人》系列和《家有囍事》等作品，當年創下電影票房佳績。到了九十年代末期，他毅然放下全盤電影工作，另闢新發展創立《春天舞台》，在十四年的舞台生涯，製作過百套作品上演逾千場，成為舞台劇界的表表者。從電影跳到舞台劇，源於「翻版」令他死心：「九八年有部《年年有今日》，喺會展做完首映，第日全街都係盜版，我為香港電影感到沮喪，金錢、時間嘅投資變相幫賊人搵錢，呢一刻我決定引退。」

同演員溝通

在娛樂圈多年，合作過的紅星數不勝數。尤其一部《家有囍事》集張國榮、周星馳、張曼玉、吳君如等巨星演出，身為導演的高志森表示控制場面沒有難度：「部戲如期用咗三十六日完成。但我用雙倍時間同演員溝通，如果等埋位先拍，咁一定死梗。由籌備到拍攝，當中發生了不少難忘事。」

高志森回憶說：「當年張國榮移民加拿大，我親自去游說佢，我心目中嘅片酬係唔過320萬，我同佢講295萬，佢一口應承無還過價。我記得佢間屋喺半山，個泳池景靚到不得了，成為旅行團參觀景點，每日一車車遊客喺佢屋企門口拍照，令哥哥不勝其煩，所以決心返香港拍呢部戲。」

愧對張國榮

高志森返港將喜訊告知師傅黃百鳴時，黃百鳴竟說以800萬斟掂周星馳演出，由於片酬差距太大令高志森不知如何面對張國榮，他說：「直到拍攝期間有兩次周星馳遲到片場，張國榮問我『個800萬遲到呀?』我先知佢一直知道而無出聲亦無埋怨我，我感激佢嘅豁達大方。」

至於和張曼玉合作，高志森說：「當年佢已經係天后級，我事前冇預計佢肯演『何里玉』一角，因為角色好Crazy造型古怪，佢未必接受到。點知我畀劇本佢即一口應承。仲同我講『導演，我識得分開阮玲玉有阮玲玉咁做，何里玉有何里玉咁做。』我當場感受到佢嘅專業。」

至愛《南海十三郎》

高志森為娛樂圈創下不少傳奇，談到最難忘的電影他首選《南海十三郎》：「拍電影同舞台劇我追求係滿足感，有強大卡士係票房保證，但我用謝君豪係一個新嘗試，佢仲憑呢部戲拎埋影帝，滿足感先係最大。」而舞台劇方面，他最滿意是成立了《麗花皇宮》，集合一班頂尖實力演員去創出佳績，令他深感自豪。

文：影視組