獲郭富城派定心丸後的熊黛林（Lynn）近日非常風騷，未知是否因警覺性減低而被拍得食煙和用腳猜枚的照片。不過Lynn一於懶理，直認有食煙之餘，談到猜腳趾枚一事更哈哈大笑，完全放下名模身段！
「富黛戀」自城城公開向Lynn派定心丸後漸趨穩定，Lynn早前在內地完成工作後更急不及待回港再攻城，難怪她近日心情靚絕。不過，近日Lynn卻被踢爆在內地工作期間食煙，又不顧形象跟工作人員猜腳趾枚，認真老貓燒鬚！
猜腳趾枚解悶
Lynn前晚應邀出席「中糧‧海景壹號」推介酒會活動，對於負面報道一於闊佬懶理，直言下次食煙會匿埋先。她解釋道：「當日好攰，開咗幾個夜班，每日只係瞓四、五個鐘，我都想控制，以後會匿埋啲食！」Lynn坦言為保精神無法不抽煙，但會嘗試戒。問她到會否與城城一起戒煙？她就說：「佢唔食煙，我自己都知食煙唔好，我好耐冇食過！」
談到猜腳趾枚時Lynn即掩嘴大笑，直言：「係呀，悶吖嘛，我好少畀人睇，以後唔會畀你哋睇，用番手！」對於她跟Angelababy在電影《花田囍事2010》中爭戲份，她即反問記者：「點爭？一張相都冇，根本冇根據！人人都知我同Baby玩得好開心。」
南京有三物業
Lynn來港發展多年，她透露有意在香港置業。現居大坑的她，香閨距離城城家不遠，不過她就否認在大坑置業是為住近城城，她說：「行去（城城屋企）遠咗啲，住近阿Kim（經理人），行過去一分鐘！」雖然Lynn在港還未有樓揸手，但在老家南京已有三個物業，可算是小富婆一名。
文：名人組