Chrissie與男友Avis拍拖三年，最近盛傳Avis被Chrissie包起，小至髮型屋租金都要女友負擔一半。被傳靠女友的Avis被本報發現在facebook中有大量攬女照，他與索女玩到攬頭攬頸，十分親暱，他顯得受落之餘，卻完全不見女友的蹤影。

周秀娜男友Avis放肆地在facebook晒攬女照，唔驚女友會嬲。	Avis不避嫌與索女黐到實，當正印女友冇到。	Avis為全職髮型師，為模特兒設計髮型。

唔驚女友嬲

昨日向Avis求證是否與Chrissie有暗湧才肆無忌憚晒攬女照？他急急解釋與熟朋友才會這樣：「嗰日係朋友嘅生日派對。（驚唔驚女友嬲？）Chrissie都在場，梗係唔會嬲，佢識晒我啲朋友，佢啲朋友我亦都識。」

傳聞被包，Avis說不是事實，何需介意：「話Chrissie照顧我？我照顧佢至真！支筆喺人哋度，點寫都得，少返髮型屋同被包冇關係，我多out-job同模特兒工作，但一做完嘢就會返舖頭。」他更澄清髮型屋租金非女友支付，收入亦非傳聞中僅得的四位數：「間舖係我同朋友一齊開，朋友負責藍田舖，我留喺佐敦舖，租金當然係我自己畀，未識Chrissie前已經開舖，點會識咗佢之後先叫佢交租，冇人會信囉！」

費事阻住佢

周秀娜未因包男友傳聞而影響心情，前晚出席Nike派對話題更圍繞着男友，大談幫他買衫，但不會着情侶裝。又說Avis不是其御用髮型師：「佢都好忙，我好少搵佢，費事阻住佢。」

文：專案組