盛裝打扮的Kelly昨日以特別嘉賓身份出席「好巿民獎頒獎典禮」，她負責頒發給兩位全年最傑出好巿民獎得獎者，在四十位得獎者中，Kelly認識其中一位，她說：「佢係我老公嘅朋友，我知佢追住個揸槍賊，（如果係你會點？）我會高聲大嗌，班多啲人嚟一齊追，得我一個就忟水啲，尤其我着住高踭鞋，好弱。」

趕返屋企湊仔

Kelly個囝囝劉昇（Chace）已經四個月大，Chace剛打完第二支預防針就發燒，令Kelly擔心得徹夜難眠，她說：「雖然知係正常反應，但昨晚佢發高燒，幾乎要送佢入急症室，不過幫佢沖完涼就冇咁燒。」Kelly出發前囝囝本已退燒，怎知她抵達頒獎禮後囝囝又再燒，令她心急如焚回家照顧囝囝，她說：「我老公已經飛咗返屋企先。」

不出席頒獎禮

此外，樂壇頒獎禮即將揭幕，Kelly坦言不打算出席，她承認心情變得輕鬆，但她不會刻意宣布不攞獎，她說：「隨心情而做啦。」不過她也有留意樂壇走勢，看好陳奕迅、容祖兒、謝安琪、楊千嬅及張敬軒。

文：音樂組