昨日Kama聯同趙碩之及Rosemary等出席apm商場舉行的「apm聖誕花花王國」活動。Kama雖然是打頭陣行出台前，但緊接其後、穿上大露背Deep V的趙碩之現身時，記者的焦點迅即移轉，反觀Kama面前的攝影記者數目只剩下小貓三、四隻，場面非常尷尬。司儀隨後叫二人合照，並為一朵裝飾的聖誕花按動發聲鍵，此時大晒深溝的趙碩之又再出招，在眾多相機下仍做出「高危動作」，不斷烏身按發聲鍵，在旁的Kama亦只好強顏歡笑。

趙碩之及Rosemary聖誕頻頻接聖誕job，豬籠入水。

趙碩之拍照時遭聖誕老人整蠱。

要鍛煉胸肌

Kama接受訪問時表示，出席活動的服飾是由大會安排，至於被趙碩之搶盡風頭，她故作大方表示：「冇所謂。（個個去晒影佢，你尷尬？）唔會，佢件衫同個人都好靚。（會唔會覺得佢咁暴露好cheap？）唔會，我相信係大會安排！」

可能Kama被搶盡風頭心有不甘，當記者提到趙碩之烏身按電掣十分搏時，Kama即暗寸對方：「係啦，我見佢撳緊，唔阻住佢撳。（唔同佢爭？）佢撳緊就由佢。」Kama續謂她與趙碩之各有各靚，但就沒有她「胸」湧，更笑言要鍛煉一下胸肌：「可能我平均啲，佢就突出啲。（怕咗同佢同場？）一定唔會。」

「甫士配合啫」

至於大獲全勝的趙碩之則解釋烏身按電掣一事，她說：「我唔係只諗住上位，大會花咁多嘢整到咁靚，唔好嘥嘛，同埋都冇諗過長撳，係甫士配合啫。」有記者指Kama在她身旁疑似「藐」她？趙碩之即替對方講好話：「其實我都想佢撳架，我企得遠啲，佢就方便啲。你哋（記者）check咗相先啦，佢唔會（藐）嘅！」

趙碩之又自爆從停車場行去大會場地時不小心撞到一名男士，該男士竟笑言那一撞是當送給他的生日禮物。

文：影視組