古巨基、謝安琪、鄭伊健和郭書瑤（瑤瑤）等，前晚為無綫《勁歌金曲》錄影，首次亮相《勁》的瑤瑤坦言緊張，不過，她亦大方表示，希望與眾人抱抱，同場的基仔卻十分怕醜，被問到會否與瑤瑤抱抱？基仔說：「你抱我抱囉，今次係第一次見瑤瑤，覺得佢個抱抱活動幾得意。（會唔會試抱佢？）綵排冇呢個環節。（瑤瑤得意嗎？）未有機會傾偈。」
至於瑤瑤則稱與伊健認識多年，今次與他同場感高興，並透露會出席對方演唱會。問到是否擔心要唱live？她說：「其實我每次都係唱live，（係咪因為有鍾意嘅歌手在場？）係呀，我很喜歡古巨基，喜歡佢唱歌，最喜歡佢國語專輯《睡美人》，（有冇同佢傾偈？）唔敢呀，但有打招呼。（會唔會抱佢？）有機會都想抱，仲會邀請呢度所有人抱，因為萬人抱活動仲有七千人未抱。」
此外，瑤瑤昨日着短裙出席「香港大牌檔」開幕活動，她讚香港的魚翅撈飯最好味，她亦因此食到肥了，目前已達四十四公斤，要做運動減肥。