bma主席羅傑承昨日於銅鑼灣開設「香港大牌檔」茶餐廳，旗下藝人周麗淇、郭書瑤（瑤瑤）、Soler、Chita、徐浩、梁奕倫及南華球星等群星拱照到賀，送來的花籃擺滿門外及對面行人路，相當墟冚，踏入吉時，羅傑承為醒獅點睛，隨之有舞獅助興，久未在港露面的曹格以「神秘嘉賓」現身剪綵，更安排站在老闆羅傑承身旁。
靠意志克服情緒
曹格表示剛從長沙飛來香港祝賀老闆，相隔一段時間再次來港，他表示心情ＯＫ，這段日子令他學識很多，看得很多，大部分時間都是陪伴家人，母親亦搬來陪他。問到是否已戒酒？曹格稱飲少了很多，反而花很多時間與老師朋友傾偈，幫助開解自己，學會不要將事情放在心內，要與家人分享。
問及是否遠離「酒肉朋友」？曹格坦言：「係呀，除咗工作，其他時間都喺屋企。（少發脾氣？）會繼續努力，積極面對。」是否接受情緒治療？曹格謂：「我個老師朋友係心理醫生，成日同我傾偈，令我心情好平靜，好咗好多。」可要接受藥物治療？曹格即手指向心和腦說：「我想靠呢度去克服，唔想靠藥物解決。」曹格承認與側田冇聯絡：「因為案件問題唔方便聯絡，但我哋之間好早已經冇事。（此行可要與警方接觸？）應該唔使，原本即晚走，但機位問題要改聽日。」
冇戒酒適可而止
對於傳出他在馬來西亞酒店發脾氣打爆電視機？曹格則澄清傳聞莫名其妙，在馬來西亞他一直住在家中，傳聞連累林憶蓮感到不好意思。無端惹是非可有不高興？曹格笑言：「以前可能會嬲，依家唔會啦！（ＥＱ高咗？）暫時係嘅！（完全戒酒？）冇諗過，因每樣嘢適可而止係最好，我會進步，唔想大家失望。」
想開個唱唔敢講
對會否在港重開演唱會？曹格竟叫記者幫口問羅生，因他不敢開口。怕被拒絕？曹格謂：「唔係，唔想因為我係佢朋友而幫我做，我想大家睇到我改變，睇到誠意同成長而去做。」
對於曹格不敢向他開口提開個唱事，羅傑承說：「我都係嗰句，冇乜嘢係冇可能，我知佢都忙緊演唱會同埋寫歌，要睇檔期同場館，我都想合作嘅，佢有send sms畀我話會改變自己，邊個後生冇做錯事，最緊要識檢討同改過。」而曹格離開茶餐廳後即返回北角酒店，並接受無綫半小時訪問，直至晚上仍未見曹格外出。
文：音樂組