《吸2》一班演員上周五到洛杉磯一商場出席大型宣傳活動，焦點落在緋聞男女羅拔及姬絲汀身上，而大隻仔Taylor Lautner及kellan Lutz等亦有亮相，吸引數百名fans圍觀尖叫歡呼。提到戀情，姬絲汀例牌否認說：「小報報道擺明係假，好似套肥皂劇咁，我係其中一角。不過唔影響到我，對呢類新聞有晒經驗。」不過，她亦有回應揀羅拔或是Taylor做老公比較好：「佢哋兩個都會係好老公，Taylor係個好可靠嘅好人，羅拔就比較心思細密，分析力強同好有頭腦，我唔會答你揀邊個，等自己好過啲。」

報道嚇壞媽咪

出名不愛洗頭的羅拔則笑言不再有頭皮，還讓主持人摸頭髮，場面搞笑。他笑言今集戲份較輕鬆，開心不用當主角。提到小報失實報道，他說：「有次話我在紐約吸過量海洛英，嗰次真係嚇親我媽咪。」他亦與姬絲汀「夾定」拒回應緋聞。

耍太極拒表態

近日被拍得與歌手Taylor Swift約會的Taylor Lautner，受訪時耍太極指：「你哋留意住我嘅一舉一動，所以我留番畀你哋判斷吧！」在戲中大騷腹肌的他不介意為電影繼續除衫騷肌肉，不過為變大隻要每兩小時食富蛋白質的東西就感到不好受。而其緋聞女友Taylor Swift上周六便主持《周末直播》，開場自彈自唱自嘲新歡及舊愛Jonas Brothers的Joe Jonas，雖然她唱住表明不會提新男友，但仍禁不住對鏡頭向Taylor飛吻兼眨眼，接着又扮《吸血新世紀》的女主角貝娜，認真鬼馬搞笑。

文：外娛組