莊思敏經常指摘o靚模「未夠班」行騷，想不到其細佬Charles與第一代「味之天使」賓治（陳宛蔚）行街，態度親暱儼如戀人。據知，六呎高的Charles長居於馬來西亞，並幫拿督阿爸打理地產生意，不過Charles似乎好慳家，帶住賓治狂掃特賣場，買完一件數十元的T恤後即到洗手間換衫，之後再巡行波鞋店，陳宛蔚全程體貼傍住，細心為男友度身及抹汗。記者上前問二人是否拍拖？Charles緊張否認：「唔係，我專登返香港參加兩個妹妹（Mona、Lisa）畢業禮。（你家姐最憎o靚模喎？）賓治仲係o靚模？我哋識咗好耐，朋友啫。」