無綫一向重視每年由力捧藝員拍攝之官方月曆，據悉這個傳統今年為了慳錢被迫取消，令無綫中人大感驚訝。雖說金融海嘯最艱難時候已捱過，無綫收入逐漸轉好，卻冷不防年中被o靚模潮攻陷，打亂部署。
近數年之官方月曆，無綫都隆而重之，如豪請泰國攝影班底負責、安排藝員到泰國及台灣取景，更由大師級關錦鵬操刀等，製作費每次都要花上百萬，無綫高層有感不划算，加上旗下藝員被o靚模以平價搶去不少飯碗，更令無綫不得不收緊開支。
對於取消製作官方月曆，無綫製作資源總監樂易玲身在台灣公幹，她透過長途電話回應：「我哋拍緊電影《七十二家租客》，十二月將會有好多電影宣傳，諗過不如集中火力喺宣傳電影，揮春、月曆同利是封都會以電影為主，加上啲藝員太忙，好難度期，所以決定今年唔搞，唔係為咗慳錢。」