趙碩之、江若琳及鄭融等昨日於人頭湧湧的銅鑼灣街頭為新片宣傳，穿上小背心性感示人的趙碩之笑言怕熱多過怕鹹豬手。反觀被搶去風頭的江若琳及鄭融，卻表示擔心遇到鹹豬手而着得密實，難怪江若琳笑謂：「性感留番畀碩之啦！」
趙碩之、江若琳、鄭融及Square成員何尚謙（James）等昨日在銅鑼灣街頭為新片《關人7事》派傳單造勢，吸引大批途人圍觀。穿上背心谷胸上陣的趙碩之，成功搶鏡成焦點所在，問她穿得如此性感，可擔心會引人犯罪？她笑謂：「我住呢頭嘅，出入十幾年，所以唔驚！（平時着到咁出街？）平時梗係唔會咁性感啦！」
半百粉絲撐場
記者笑指趙碩之穿得性感是為搶鏡時，她即解釋是因天氣炎熱：「因為知道銅鑼灣好熱先咁着。（開始凍噃！）所以都加咗頂帽同牛仔褲！」她又指片中眾演員每位也相當漂亮，難以搶去她們的風頭，還稱自己首次於鬧市派東西為新片造勢。
而得到半百粉絲撐場的江若琳，表示因得知要在街頭宣傳，故特意打扮得密實點：「咁喺鬧市工作梗係要着得密實啲嘅。（畀趙碩之搶鏡？）冇話搶唔搶鏡嘅，性感呢啲梗係留番畀佢啦！」江若琳指因他們派發的宣傳單張上，印有她疑因援交而被捕的報道，故James在街頭高呼「援交妹江若琳被捕」時，即有途人上前查詢真偽，非常搞笑，事後江若琳謂：「真係畀人誤會係真都好，因為可以當宣傳。」
鄭融傳單護身
同場的鄭融亦坦言擔心再遇鹹豬手而顯得步步為營，更要助手及工作人員貼身保護：「好驚呀！所以我都成日周圍望，之前導演彭發知我驚，所以話會做我保鏢貼身保護我，點知到派嗰陣佢只係行埋一邊企喺度睇！」鄭融笑謂為了護胸，她特意拿了一大疊宣傳單張，笑謂派傳單之餘又可以保護自己。
文︰影視組