本文重點
蔡卓妍（阿Sa）跟陳偉霆（William）最近為電影《美麗密令》忙到透不過氣，但提到兩人的床上激吻戲，William自爆胸貼胸時體會到阿Sa屬有料之人，兩人更即場示範一招「猴擒索吻」，非常搞笑！
阿Sa、William、鍾舒漫、泳兒等前晚為「新城慈善Ｋ唱遊」活動揭幕，一眾英皇歌手跟歌迷大唱90年代經典快歌，非常熱鬧。
阿Sa跟William透露兩人都為電影搞到冇覺好瞓，提到剛完成的床上激吻戲，經驗十足的阿Sa說：「拍過咁多次戲都未試過咁尷尬，我摸住佢塊面，都唔知點樣錫好。（好回味？）可能大家太熟，我淨係覺得好好笑。」William笑言導演王晶「加碼」的床戲有如三級片，他說：「今次好激烈，由床頭咀到落床尾。（有冇接觸敏感部位？）我個胸膛感受到阿Sa都係有料之人，所以要幫佢大平反！（另一半要罰你托塔？）唔驚，如果真係畀人罰都有排罰，因為我另一部戲要挑逗陳潔儀。」
唔會為錢屈服
提到有傳鍾欣桐（阿嬌）以千萬酬勞接受隆胸手術，阿Sa說：「黐線！佢唔使啦，係都我先啦，不嬲都有人出高價叫我做代言，不過我太滿意自己身材，唔會為錢屈服呀！」泳兒早前與朋友暢遊南京，在當地玩掌紋機覺得很準：「部機話我每逢兔、虎年都遇桃花，下年係虎年，都好期待會開花結果。（有對象？）有心儀對象，關係醞釀緊啦！」
文：音樂組