本文重點
黎耀祥（祥仔）憑「柴九」一角成為今年視帝大熱門，可惜一直有傳並非無綫「親生仔」的他，視帝美夢出現變數，最近外界即有傳無綫用獎項利誘祥仔簽約成為包薪藝員。對此，祥仔坦言一直都有跟無綫傾新約：「我一直都有同TVB傾約，不過大家都知道我個人比較鍾意自由，而且仲有好多細節嘅嘢仲未傾掂，不過完全唔關錢嘅問題囉！」似乎在合約問題上仍與無綫僵持。
坦承有人工加
雖然祥仔仍未有得獎籌碼，但他仍對奪取視帝信心十足：「當然想攞獎啦，自己都好有信心，呢個係每一個喺電視台做嘢藝人嘅心願。」談到祥仔憑柴九一角人氣急升，問他有冇「加人工」？他說：「我同無綫張舊約都未完，當然每年都有少少人工加，但都同以前差唔多！」
此外，祥仔日前現身中環在銀行櫃員機㩒錢，只見他攞錢後即細心點算金錢，然後放入銀包，當途經報紙檔時，報販興奮大嗌：「柴九，你好！」祥仔即報以微笑離開，足證他十分深入民心。
文：專案組