今次請得陳偉霆（William）做「gag神」出題目，考考大家智慧。William話平時拍戲等埋位都會「開壇」出題考大家IQ消磨時間，雖然有人覺得佢嘅題目「低B」，但等埋位等到頭頂生「菇」時，佢出嘅IQ題，不失為一個非常有趣集體遊戲。
題目：小紅同媽媽都在同一個班房上課，為甚麼？
方力申：「唉……IQ題，我好渣o架！因為我係一個思想正路嘅人，所以呢啲『取巧』問題，我多數都唔會答中。我估係小紅個同學叫媽媽。（唔係。）死啦，真係唔識，因為小紅……同媽媽一齊返學。（又錯。）小紅同老師係同一個人。（錯錯錯！）」
胡杏兒：「因為小紅個細佬叫『媽媽』。（唔係。）因為媽媽陪小紅返學。（都錯。）唔知呀！因為小紅係返幼稚園，所以要媽媽陪。（都唔啱。）咁係乜呀？（因為小紅的媽媽係班主任囉！）激死，吹到啤一聲呀！」
徐子珊：「小紅同媽媽都係同一個班房上課，我估小紅返學嗰日係家長日。（唔啱。）小紅因為同媽媽要一齊上堂啩。（都錯。）咁應該係……小紅媽媽係老師。（啱咗。）好嘢，我有智慧，有美貌，我冇令香港小姐失禮。」
答案：因為小紅的媽媽是班主任。