張學友被澳門Hard Rock Hotel選中，成為全球首位華人巨星推出個人名義總統套房。昨日學友逾千呎「私房」曝光，他更出現當主禮嘉賓，房間內不但展出奚仲文為他揀選的多幅靚相，就連學友用過的帽子、私家咪等亦珍藏在內，裝修相當豪華，入住一晚花費約五萬八千多元，難怪學友亦率先躺上大床「剪綵」！

做藝人有犧牲

談及「世姪」關楚耀與台灣o靚模Mika的親密照被公開，學友謂：「私……後生囉！（有冇同佢聯絡？）佢細個嗰時見得多啲，依家都係喺報紙度睇到，拍拖係私生活，不過做藝人有時係要犧牲。（覺唔覺得佢畀人利用？）冇話利唔利用嘅。（阻止囡囡pose相上網？）如果我阻止得嚟梗係好啦！擺得上去預咗畀人睇。」

學友又自爆囡囡上網找尋資料，亦曾「搵到啲唔適合嘅相」，這位緊張爸爸坦言：「裝咗杜絕軟件都冇用，所以家長一定要陪伴上網輔導。」他又謂自己近期提高了不少科技知識以「配合」女兒。而愛心爆棚的他將昨日出席活動的酬勞，部分捐贈兒童癌病基金，及澳門相關的慈善機構，造福人群。

文：影視組