前晚Stephy和方力申等一同出席活動，兩人對於死對頭Theresa與敖犬緋聞均表現不屑，Stephy更「真情流露」：「我唔識敖犬喎，之前喺公司聚會見過，但真正係唔識佢，不過我知佢哋因為拍戲而熟咗！（Theresa呢排愛情事業兩得意？）咁咪恭喜佢囉，如果係真。（祝福佢？）如果佢開心當然會祝福佢，咁大個女拍拖都好正常，（咁點解你咁大個女拍拖又唔認？）冇呀，我覺得拍拖唔需要刻意公開囉，除非結婚就會認，如果結婚都唔認就好慘。」

Stephy和小方談笑風生甚有默契。	趙碩之	傅穎與緋聞男友敖犬心靈相通，齊在網誌訴心事。

唔信已經撻着

小方則說：「傳啫，我睇完就算，而且又冇相，（有合照？）呢啲正常影相好普通！（你唔信佢哋撻着？）我唔係好八卦，唔想知道人哋咁多秘密，知得愈少愈好。」另外，談到有指四眼肥仔在Stephy生日會上大獻殷勤，更為掩護她而撞向記者車，Stephy例牌否認：「我識咗佢好耐，佢有老婆，我唔想破壞人哋家庭，而且我都唔鍾意肥仔！今次係佢疏忽，飲咗酒真係唔應該揸車。」

而昨日Theresa與敖犬分別更新個人網誌，且不約而同慨嘆娛樂圈的是非真偽，Theresa說：「娛樂圈的確是個很奇怪的地方，是非黑白，很多時候都會被顛倒，被扭曲。」而敖犬也說：「自從加入了這圈子後……憑空捏造的事，七嘴八舌的事，明明沒有道理卻要親自去承擔……」而敖犬經理人也否認兩人的緋聞。

趙碩之等註冊

此外，Stephy與小方前晚出席另一活動，同場還有趙碩之，趙碩之自爆有一位單戀她多時男仔向她求婚，十二月拉埋天窗，她沒有即時拒絕對方還笑說太過急，要等有期才註冊。

文：名人組