一位讀者致電本報投訴，稱見到Bobby日前駕車到中環砵甸乍街一停車場泊車時，因當日時租車位不足，故管理員要求Bobby駕車離開，但Bobby反要求對方拿開入口的「雪糕筒」讓他停車等候。礙於車輛停泊會阻塞路口，管理員拒絕Bobby要求。

「好似要殺人」

讀者又稱見到Bobby離開時指着管理員來鬧，態度非常差。之後有兩名警員到場，要求管理員搬開該「雪糕筒」，及後Bobby折返停車場時，很「得戚」地望對方，與平日在電視上的正氣形象完全不同。讀者說：「身為公眾人物唔可以咁態度，好似要殺人咁！平時幕前佢好正氣，估唔到現實生活係咁！」

「我冇講粗口」

記者致電Bobby求證，他說：「咁佢有冇講佢自己唔啱、態度唔好先？我當時冇講過粗口。其實當時係希望對方通融一下，畀我喺車場外等候，等有其他車離開時畀我入去，因為揸車離開再返去要半個鐘頭。佢唔肯通融叫我走，點知唔夠三秒就有車出，佢反而叫咗第二架車入去，你話『滾』唔『滾』先？我係最嬲呢度！我係有『趷』佢，我覺得因為我係公眾人物而針對我。（係咪你叫警員到場？）冇喎！原來佢以為我報寸，所以報番我寸。（咁你再入停車場有冇得戚望住佢？）我眼尾都冇望過佢！」 文：影視組