容祖兒日前高調欣賞密友何韻詩的演出，剛從馬國回港的她雖然未能再捧好友場，但談及對方向她唱冧歌即表示回味。祖兒更在傳媒面前向阿詩詐型，不滿對方未有邀請她一同上台演出，只好幻想二人曾同台合唱。
祖兒昨日以代言人身份出席MIOGGI護膚品牌活動，穿大露背連身裙的祖兒騷出白滑玉背。祖兒因要往馬來西亞工作而未能再度捧阿詩場，但她仍大讚阿詩大前晚的演出精彩。問到阿詩對住她唱情歌，是否冧住走？祖兒即向記者撒嬌道：「你死啦，個騷梗係令人回味，你哋編織嘅故事好感人。」談到阿詩向她唱「一見動心」時，祖兒即報以冧笑。
不滿冇嘉賓做
祖兒又指阿詩多番暗示無意請她當嘉賓，更不滿地說：「點解要咁做？」當記者提議她下次開唱時可請阿詩做嘉賓時，祖兒竟無厘頭說：「05年我同阿詩都試過喺台上合唱《隆重登場》，（冇喎！）有呀，你哋返去搵相啦。」令傳媒及其助手都摸不着頭腦。
要珍惜眼前人
而前晚阿詩的尾場演出獲好友陳文媛等捧場，表現激動的阿詩更多番落淚。慶功宴上阿詩否認唱情歌給祖兒聽，對於曾經表示要珍惜眼前人，阿詩搞gag說：「我真係識你哋每個人，係應該珍惜眼前人，（珍惜祖兒？）珍惜每個有嚟嘅人。」阿詩又自爆曾邀請是非纏身的傅穎捧場，又指對方沒有經濟問題。
採訪：音樂組