最近從o靚模轉型為藝人的「E Cup Baby」劉欣宜（Miyoko），早前自掏腰包邀請媽咪到台北享受五日四夜的超豪之旅。Miyoko挑選了一間住宿一流的酒店，但就笑指裏頭的日式餐廳「唔多掂」，她說：「我哋食Shabu Shabu（日式火鍋），肉都算幾新鮮，不過估唔到分量得咁少，埋單成千五蚊港幣㗎，媽咪同我都覺得貴夾唔飽！」
Miyoko更一臉尷尬的表示因吃火鍋口腔即場長了「痱滋」，令她整晚痛不欲生！Miyoko說：「依家諗番起嗰晚餐廳得我哋兩個人客，好似包場咁，應該一早估到啲嘢食水準啦！雖然物非所值，但係難得去旅行，都唔介意豪一下嘅！」
