年紀輕輕便進軍模特兒界的Rosemary，直指o靚模雖然當時得令，但因身形條件欠佳，故難以進軍國際。Rosemary又以前輩身份叮囑後輩最緊要努力增值自己，為將來做好準備。
身為數碼港紅酒節大使的Rosemary將為第一屆紅酒天使大賽擔任主席評判，而她對於專業模特兒的要求原來亦十分嚴格。談到現時人氣爆燈的一眾o靚模，包括Angelababy、周秀娜及Lavina等，Rosemary表示由於自己的中文是「有限公司」，故沒有特別留意她們的相關新聞，但卻盛讚Baby擁有可愛面孔，她說：「佢個樣好cute，不過佢身高令佢喺模特兒方面發展有局限，因為好多國際知名品牌嘅模特兒，都需要一定高度，唔夠高嘅話，啲衫就好難carry得靚。」
每日完騷檢討錯誤
Rosemary又叮囑一眾後輩，即使模特兒予人感覺是靠外表「搵食」，但其實內涵同樣重要，她說：「一個人嘅氣質係由內在散發出嚟，所以內涵好緊要。至於我自己初初入行嗰陣，都有keep住每日做完騷之後mark低自己當日犯咗啲咩錯誤，日後多注意。」
九歲開始紅酒送飯
談到紅酒，Rosemary笑言自小已愛以紅酒送飯：「食飯飲紅酒已經成為我哋屋企嘅傳統習慣，我記得九歲嗰陣，爺爺已經叫我試飲紅酒，之後我就愛上呢種飲品。」雖然嗜酒，Rosemary卻笑言不會酗酒，更要識自制，她說：「輕嘗淺酌係一種享受，過量就唔好，我好享受每次飲酒嘅過程，但唔會畀自己飲醉。」 文：專案組