未升呢成為「模Art」前，Janice Man已受舊東家萬般寵愛，相反同公司模特兒的工作相對較少，曾與JM做過同事的鄧鈺鈴（Elaine）便是其中一分子。
憶起兩年半前初入行做模特兒，Elaine覺得跟現在的工作文化大相逕庭：「以前我哋都好團結，有時都會出嚟BBQ同唱K聯誼，唔似得依家咁會出現同門互插嘅情況，我同JM關係都OK，佢係一個可塑性好高嘅女仔，所以公司都會特別錫佢。」
原來當年公司見JM挾o靚模之名愈來愈紅，便把大部分資源投放在她身上。雖然成為「犧牲品」，但Elaine認為每家公司都有自己的政策：「其實公司都做得啱，佢個勢咁好，我自己都有不足之處，就係唔夠高，身形始終差啲！」
