Leila最近兩年一直秘密跟健身教練做gym，令身形更有線條美之餘，亦希望藉此鍛煉「巨肺」，將來可在樂壇再衝刺。曾推出個人唱片的Leila，近日夥拍Bonald合唱情歌，Leila更自爆與梁俊軒錄音時笑料百出，她說：「我當佢細佬咁，所以要我哋合唱情歌真係大整蠱，次次都忍唔住笑，日後合唱時我都唔敢正視佢，費事變搞笑就唔好啦！」

Bonald射籃果然有一手，Leila自愧不如。	Leila以前輩身份教師弟Bonald做運動。	Bonald揸耳仔氹番師姐。

技不如人好自卑

她覺得Bonald怕醜又孱弱，便以師姐身份帶小師弟做gym操弗。不過到玩射籃球機時，Leila卻發現師弟的運動細胞比自己還要強，認真無面。Leila笑謂：「本來做熱身運動同器械鍛煉嗰陣，我都仲好勁咁教到佢。但係一到射籃球就高低立見，佢無論腰力同體力都好過我，我覺得好自卑咯！哈哈！不過算啦，男女有別，我唔會怪自己。」

看到師姐如此沮喪，Bonald即作揸耳仔狀賣口乖表示：「點都係你叻啲，我仲有好多嘢要向你學習。」氹得Leila笑開顏。

文、攝：專案組

場地：Waterfall＠太古城