對於Theresa決意離開求「解脫」，Stephy未有太多意見，但仍祝福大家日後有好發展。她說：「我講咩都會好敏感，公司會處理，（有冇同傅穎聯絡？）唔答，（祝佢一路順風？）之前都答過喇，點都好，希望大家日後發展好好，（話你係太子黨？）一直都係人哋咁講，唔想講喇，一陣又話我陰笑，（傳佢經濟出現問題，會否借錢？）假設性問題唔答。」

小方唔阻人發達

而小方對Theresa解約一事，竟借助黃栢高（Paco）「把口」寸對方，他說：「記得Paco以前都講過，如果邊個合作覺得唔愉快，唔開心，咪撕爛合約囉，唔好阻人發達，之前幾個都係咁，（邊個？）邊個唔好講，公司好大量，無條件咁做。（傳Theresa經濟困難？）封面呢啲嘢未必係真，（佢博見報？）唔評論。」

至於Theresa在blog中寫一篇以「給你們的信」為題的文字，表示最感激是Paco，指對方一直以來給予機會，而近日與她隔空開火的金牌大風CEO陳輝虹，則只在文尾「略過」，文中亦隻字不提鄭中基、鄧麗欣和方力申。

文：專案組