戲中兩位主角因樂隊The Smiths的音樂展開對話，而電影亦以音樂貫穿二人拍拖的不同階段，故音樂是該片重要元素之一。身為She & Him主音的女主角Zooey，更在片中大騷歌喉翻唱《Sugar Town》。該片原聲大碟收錄不同類型的歌曲，包括有The Smiths及騷靈組合Hall & Oates的歌，而剛離世的柏德烈史維茲的名曲《She’s Like The Wind》亦收錄其中，難怪該碟一推出成影迷搶手貨。
一套《証人》造就了張家輝連奪幾個影帝寶座，幕後功臣林超賢亦因此人氣高企，接連開拍《火龍》及《線人》兩套新戲。這位從影廿五年的導演，善於從動作片中演繹男性豪情，由當年《G4特攻》開始，執導接近十五套相關題材的作品。
題材不會枯竭
談到「情陷」動作片的因由，與當年他投考警察落選不無關係，一向珍藏大量剪報資料的他，雖有感「太陽之下無新事」，卻絕對有信心在可見未來，繼續創作一個又一個有血有肉故事。
由張智霖、張家輝，到今天的黎明，這位導演對人對事的執着始終如一：「我係整部電影嘅靈魂，如果因為演員一兩句說話或意見就讓步，作出改動嘅話，日後所要面對嘅影響可能好深遠。坦白講，演員演完就完，我仲要面對一大堆菲林做後期，有乜差池都係自己承擔，我唔容忍自己犯呢種錯。」
金句王冇金句
談到「好兄弟」家輝與首次合作的黎明，原來感覺可以是南轅北轍：「家輝未開戲已經『進入』，專心到好似生人勿近咁，至於黎生就好聰明，但就『進入』得比較慢，呢啲係個人風格，亦係另一種道行，有啲人唔想入得太快，想正式埋位時仍然有fresh嘅感覺。」近年被冠以「金句王」的黎明，拍戲時卻相當「寡言」，林超賢笑說：「我今次安排咗撇鬚畀佢，一大動作就會甩，可能搞到佢有口難言啦。」
談到想拍攝一套浪漫愛情喜劇，林超賢隨即慨嘆時下圈中女星出現斷層情況：「真係冇女演員，稍為好少少嘅年齡都有番咁上下。拍男人可以拍得豪情，但拍女人就要好細膩，所以都係急唔嚟。」
文：影視組