在合家歡時段播出的劇集《有營煮婦》，前晚播出一場陳法拉兩度於洪天明面前更換上衣的戲份，劇集出街後即引起極大回響，除網友笑指該集是全劇「最好睇」的一集外，無綫予觀眾翻看昔日劇集的網站更數度大塞車。而有讀者致電本報投訴，直斥離譜，根本不用以換衫鏡頭交代，實在有教壞細路之嫌，而且之前出現過「車震」場面，擺明是別有用心。

內衣當泳衣

昨日法拉出席《有》劇宣傳，說到劇中的大膽演出時，她即謂：「開頭都擔心出唔到街，但監製同我講內衣就好似泳衣咁，而拍嗰陣導演好細心，成日問我打咗底未。（再激啲？）唔會喇，只此一場，再多啲就過電視底線。」而監製王心慰亦指暫時未有接到投訴：「我哋冇不雅、猥瑣，亦未接到投訴，其實着Bra同着比堅尼一樣，只係換咗個名詞。」

袁彌明寸爆

不過袁彌明卻質疑無綫此舉有賣弄色情之嫌：「我唔覺得Bra同比堅尼一樣，咩劇情要除剩個Bra？不過《美女廚房》都係淫穢㗎喇！無綫冇咩尺度可言。係咪因為嗰個係陳法拉，所以要性感用此做賣點？」

此外，陳法拉在劇中演「狗仔隊」，初期有點抗拒此角色，後看過劇本了解到「狗仔隊」的工作才接受：「其實『狗仔隊』嘅工作真係幾辛苦，開始有啲體諒佢哋，不過我自己嘅生活圈子、感情生活都唔想畀人寫咁多，所以都希望佢哋明白我。」

文：影視組