「宅男女神」郭書瑤（瑤瑤），首批限量版新碟《愛的抱抱》火速售罄。瑤瑤日前更自掏腰包買碟，更巧遇兩名外國旅客，當瑤瑤得知對方以為她只有十二歲時，即笑逐顏開！
瑤瑤首批限量版CD除了附送寫真集外，還加送抱抱攬枕，故反應熱烈，數千隻唱碟火速售罄。為了巡視新碟銷情及答謝歌迷支持，瑤瑤日前直踩銅鑼灣影碟舖為新碟造勢。
被邀合照興奮
當日影碟舖有兩名外國遊客，更主動要求跟瑤瑤合照。當他們得悉瑤瑤原來是藝人時，即大感驚訝表示：「我哋真係冇諗過，我哋以為佢得十二歲咋，佢真係好可愛，遇到佢係我哋呢個trip最大嘅收穫！」
獲對方如此讚美，瑤瑤大感興奮，還調皮問道：「咁我同你哋囡囡係咪好似？」而外國人笑着回答：「唔似！你同我哋個孫女仲似。」
自爆愛方大同
意外獲外國旅客打氣的瑤瑤，開心地在影碟舖行街掃貨，除了第一時間買下自己的唱碟外，瑤瑤更直認對方大同情有獨鍾：「佢好叻呀，係我最鍾意嘅香港歌手。」而當見到鄭元暢的唱碟時，瑤瑤則指着大叫：「他好壞啊！學我用『擁抱』這些字眼！」十分搞笑！
文：專案組
攝：吳文聰