黃宗澤（Bosco）、胡杏兒到澳門為「建國60周年活動」擔任嘉賓，更齊齊出場，之前有指Bosco與杏兒分手轉溝梁靖琪，他大耍太極說：「不嬲都冇話拍拖，所以冇甩拖，次次問都係咁答。」又說與兩女都是好朋友，哪個較friend則沒有比較過。
今次沒有因緋聞被高層樂易玲「照肺」，Bosco說公司沒說反對藝人拍拖，也不會過問藝人私生活：「拍拖都正常吖，人嚟㗎嘛，總之依家感情生活開心。」
同場的杏兒與Bosco似乎夾晒口供，她說：「我哋一直都冇話一齊，今日不如唔好問緋聞啦。（介意講佢不如搵過第二個？）我工作為上唔想講感情，免得抹殺咗努力。」
