【陳永峯澳門直擊】祖兒、基仔、阿Sa、胡定欣、劉璇等昨日於澳門為「建國60周年活動」錄影，眾人唱歌跳舞，基仔更打頭陣演出。祖兒馬不停蹄剛去完北京，既疲倦又睡眠不足，怕會影響之後演唱會水準，但她不能放假休息，因即將飛往日本三日，每日都工作十八小時，渴望shopping的她寧願犧牲最後一晚唔瞓都要去行街：「行唔到都食吓嘢，飯盒都好！」起程時將搭凌晨機，考慮上機時飲一些酒方便入睡。

阿Sa早前暈倒，但她一樣搏晒命工作。

左起：基仔、祖兒、阿Sa、泳兒及鄭希怡齊齊錄影。

萬箭穿心後升呢

對阿Sa日前暈倒休克，祖兒直認阿Sa比她更慘，既要拍戲又要出碟，她只專注唱歌而已：「人嘅年紀開始大，會應付唔到，唔係做埋今年㗎嘛！希望公司慢工出細貨，自己做嘢好開心，但享受唔到工作過程。」對於謝安琪（Kay）不時被批評走音，片段更被放上網，祖兒沒有看過，但認為這是每個上位的藝人都要經歷萬箭穿心的階段：「過咗就會『升呢』，我同佢同場冇乜大問題，希望大家多啲支持Kay，難得樂壇有把好聲音。」

鄭希怡擔心走光

打頭陣演出的基仔謙稱只是群星合作，一心做好節目，同場的鄭希怡則大跳hip hop，領位太鬆的她不時醒目㩒住防走光。此外，祖兒、阿Sa明天將會出席另一大型巡遊活動，屆時更會與其他歌手一起擔任持旗手，坐老爺車巡遊。