咁多年來嘅《香港小姐選舉》都係標榜「美貌」與「智慧」並重，只可惜近年的港姐質素每況愈下，好似07年爆冷奪冠的張嘉兒，獲獎後即被網民封她為「豬扒港姐」；而去年冠軍張舒雅，因只顧與補習天王男友David拍拖，有工作又唔願做，踢極都唔郁，結果被封為「Hea爆港姐」。
而被譽為港姐中的港姐朱玲玲，雖然已年屆50歲，又是三子之母，但身材依然Keep得好Fit，手臂仲有肌肉添，全因平時多做運動。日前約下午4時，八太就見到朱玲玲由司機接載下嚟到上環永和街，一身高貴打扮嘅佢仲拎住個平時去打羽毛球嘅運動袋，入咗去附近一所私人訓練中心，而該中心設有私人教練一對一教授體能及健身。正所謂日日做運動身體好，唔怪得朱玲玲做咗個幾鐘頭運動，成個人容光煥發啦！