陳奕迅（Eason）早前到天水圍一間便利店拍攝全新一輯飲品廣告，Eason分別以學生及農夫造型亮相，廣告中Eason和一名小演員「林仔」合作。起初「林仔」表現十分冷淡，但哄小朋友有一手的Eason很快便和「林仔」打成一片，他得意洋洋表示：「廣告片入面我要同『林仔』爭飲果汁，本來佢好cool，但好快畀我發現佢係冷面笑匠，我氹得佢好開心㗎！」Eason表示與三十位臨時演員一齊大叫「飲吓咪知囉」亦十分難忘：「一大班人開開心心工作好有力量，好好玩！」