本文重點
傅穎（Theresa）暫且將與公司的合約煩惱拋開，到台灣慶祝生日。雖然只逗留短短18小時，但Theresa仍玩得非常盡興。她爭取時間跟朋友周圍吃喝玩樂，又乘坐360度轉過山車尋求刺激，將壓抑多時的悶氣一吐而盡。
Theresa向金牌大風主動要求解約遇上阻滯，不過她近日將合約煩惱暫且放下，用兩日假期到台灣吃喝玩樂一番，順道慶祝生日。Theresa笑說：「我夜機去早機返，真正玩嘅時間得18個鐘。」甫抵埗Theresa即時去品嘗地道小炒及海鮮餐，翌日就到台北新竹縣的六福村主題樂園玩個夠。她說：「每年生日都會出埠慶祝，因為可以放低所有嘢輕鬆吓，喺樂園度玩咗好多機動遊戲，最刺激係玩360度轉的過山車，我不停係咁嗌，將心裏面嘅悶氣都嗌晒出嚟。」樂園內更有歌迷認出她，並要求合照。
首度騎馬
此行她又首度一嘗騎馬滋味，戴上頭盔的她英姿颯爽。她笑說：「騎馬感覺好得意，初初好驚會跌，但佢行得好慢好慢，覺得好自由。」到樂園後，她爭取時間去掃貨，買了大批新裝送給自己做禮物，最後就跟朋友們到酒吧慶祝，踏正十二點朋友們即推出生日蛋糕，令Theresa開心不已。她說：「平時好少飲酒，但嗰晚都飲咗少少香檳，成個行程真係好開心。」
文：音樂組